اردو ورلڈ کینیڈا ( ویب نیوز)سپریم کورٹ آف پاکستان کا لارجر بینچ آج آڈیو لیکس کمیشن کے خلاف دائر درخواستوں کی سماعت کرے گا۔
چیف جسٹس پاکستان عمر عطا بندیال کی سربراہی میں 5 رکنی لارجر بینچ آج صبح 11 بجے سماعت کرے گا۔
یاد رہے کہ صدر سپریم کورٹ بار عابد زبیری اور دیگر نے آڈیو لیکس کمیشن کے طلبی نوٹس کو چیلنج کرتے ہوئے سپریم کورٹ سے استدعا کی ہے کہ آڈیو لیکس انکوائری کمیشن کی کارروائی اور احکامات کو غیر آئینی اور غیر قانونی قرار دیا جائے۔

آڈیو لیکس کمیشن نے آڈیو سے جڑی چار بڑی شخصیات کو طلب کر لیا

آڈیو لیکس کمیشن نے آڈیوز سے وابستہ چار بڑی شخصیات کو 27 مئی کو طلب کر لیا ہے۔
کمیشن نے سابق چیف جسٹس ثاقب نثار کے صاحبزادے نجم ثاقب، صدر سپریم کورٹ بار عابد زبیری، سینئر وکیل طارق رحیم اور مبینہ آڈیوز میں سینئر وکیل سے بات کرنے والے صحافی کو طلب کیا ہے۔
واضح رہے کہ وفاقی حکومت نے آڈیو لیکس کے معاملے پر 3 رکنی جوڈیشل کمیشن تشکیل دے دیا ہے۔ سپریم کورٹ کے سینئر ترین جج جسٹس قاضی فائز عیسیٰ کی سربراہی میں قائم کمیشن میں بلوچستان ہائی کورٹ اور اسلام آباد ہائی کورٹ کے چیف جسٹس شامل ہیں۔