اردو ورلڈ کینیڈا ( ویب نیوز )چیئرمین تحریک انصاف عمران خان نے کہا ہے کہ لیڈر ڈرتا نہیں، بزدل لیڈر نہیں بنتا، نواز شریف بن جاتا ہے، ایک باعزت شخص معاشرے میں عزت پاتا ہے، بے ایمان آدمی اربوں کماتا ہے عزت نہیں ہوتی، جو لیڈر بنے اس پر رشک ہونا چاہیے، لیڈر سچا اور ایماندار ہوتا ہے۔

سابق وزیراعظم عمران خان نے کہا ہے کہ میں عالم نہیں ہوں، میں نے اپنی زندگی سے سب کچھ سیکھا ہے۔ ہاں اللہ کے نبی صلی اللہ علیہ وسلم نے جو انقلاب لایا وہ دنیا میں کہیں نہیں آیا۔ لا الہ الا اللہ کی طاقت تاریخ کا حصہ ہے۔

چیئرمین پاکستان تحریک انصاف عمران خان زمان پارک میں کارکنان کے ساتھ افطاری کے لیے پہنچ گے pic.twitter.com/0fxUmu8d0n

— PTI (@PTIofficial) April 8, 2023

چیئرمین پی ٹی آئی عمران خان نے کہا کہ جنگ بدر میں تین سو تیرہ سپاہی تھے، گیارہ سال بعد رومی فوج نے خالد بن ولید کی قیادت میں گھٹنے ٹیک دیے، بارہویں سال قدسیہ میں دوسری سپر پاور کو مسلمانوں کے ہاتھوں شکست ہوئی ، اللہ کے نبی نے عربوں کو آزادی دی، انصاف دیا اور معاشرے میں سب کو برابر کیا۔
عمران خان کا مزید کہنا تھا کہ آزاد لوگ آزادی کے لیے کھڑے ہیں، غلام آزادی کے لیے نہیں لڑتے،
انہوں نے کہا کہ پاکستان میں ہماری جنگ حقیقی آزادی کے لیے ہے جو ہم لڑ رہے ہیں، جرگے میں کمزوروں کے سامنے بیٹھ کر مضبوط کو انصاف دیا گیا، ہمیں انصاف ملنا ہے، ہماری آزادی کی جنگ ہے جس کے لیے پوری قوم کو متحد ہونا چاہیے۔
سابق وزیراعظم عمران خان نے کہا کہ ہم سب لیڈر اس لیے ہیں کہ ہم بہترین مخلوق ہیں، اللہ نے فرشتوں سے کہا کہ انسان کے سامنے جھک جاؤ، تو ابلیس نے اعتراض کیا۔