غیر ملکی خبر رساں ادارے کی رپورٹ کے مطابق افریقی شہر روانڈا سے تعلق رکھنے وا لے 71 سالہ Keletse Zamweta نصف صدی (55 سال سے) سے زائد عرصے سے 15 فٹ کی باڑ میں گھرے ایک الگ تھلگ گھر میں رہ ر ہے ہیں جس کی وجہ صرف خواتین کا خوف ہے
رپورٹ میں بتایا گیا کہ کیلیٹسے کی عمر صرف 16 سال تھی جب اس نے محسوس کیا کہ خواتین کی قربت کا ان کا خوف بہت زیادہ ہے جس کے بعد اس نے فیصلہ کیا کہ وہ مخالف جنس کے ساتھ رہنا برداشت نہیں کر سکتا۔ ا س نے اپنے معمولی گھر کے گرد لکڑی کی باڑ بنائی اور اس کے بعد سے اس گھر سے باہر قدم نہیں رکھا۔
ایک انٹرویو میں کیلیٹسے نے کہا کہ میں نے خود کو قرنطینہ کرنے کا فیصلہ کیا کیونکہ مجھے خواتین سے ڈر لگتا تھا کہ کہیں وہ میرے قریب نہ آئیں۔
کیلیٹسے کی برادری کی خواتین اس تمام عرصے میں اس کا ہمیشہ خیال رکھتی تھیں، عورتیں اس کے صحن میں کھانے پینے کی اشیاء اور کپڑے جیسی ہر قسم کی چیزیں پھینک دیتی تھیں، حالانکہ کیلیٹسے نے کبھی ان کے لیے دروازہ نہیں کھولالیکن چیزیں استعمال کرتا رہا ۔