اردو ورلڈ کینیڈا (ویب نیوز)تسنیم حیدر نامی شخص نے مسلم لیگ ن کے قائد اور سابق وزیر اعظم نواز شریف پر سینئر صحافی ارشد شریف کے قتل میں ملوث ہونے کا الزام لگا دیا، ان کا کہنا ہے کہ ارشد شریف کے قتل کی سازش لندن میں تیار ہوئی اور نواز شریف اس کے مین کردار ہیں
گزشتہ روز تسنیم حیدر نامی شخص نے پریس کانفرنس میں لیگی قیادت پر الزامات لگائے
وفاقی وزیر اطلاعات مریم اورنگزیب نے تسنیم حیدر کے الزامات پر وضاحت دیتے ہوئے کہا ہے کہ تسنیم حیدر نامی شخص مسلم لیگ ن لندن کا ترجمان نہیں اور نہ ہی اس کا تعلق مسلم لیگ سے ہے۔
انہوں نے کہا کہ تصویر میں نظر آنے والا شخص پی ٹی آئی لندن کا آرگنائزر ہے، جعلی خبریں ارشد شریف کے اصل قاتلوں سے توجہ نہیں ہٹا سکتیں۔ علاوہ ازیں مسلم لیگ ن برطانیہ کے صدر زبیر گل نے ایک ویڈیو بیان میں کہا ہے کہ تسنیم حیدر مسلم لیگ ن کا ترجمان نہیں ، تسنیم حیدر کے الزامات پر انہیں برطانوی عدالت میں لے جایا جائے گا۔
انہوں نے کہا کہ تسنیم حیدر کے گرد بیٹھے لوگ پی ٹی آئی کے رہنما ہیں اور نواز شریف کے گھر کے باہر احتجاج کر تے ہیں ہیں
