212
اردو ورلڈ کینیڈا ( ویب نیوز ) مکہ مکرمہ کے قریب جبل نور پہاڑ سے ایک بندر ایک عورت کا کپڑا چھین کر بھاگ گیا۔
غیر ملکی خبر رساں ادارے نے جبل نور سے ایک ویڈیو شیئر کی ہے جس میں ایک بندر کو سیاہ عبایہ میں ملبوس خاتون سے سفید کپڑے چھینتے ہوئے دیکھا جا سکتا ہے۔
اس سے قبل بھی بندروں کی جانب سے زائرین کے ہاتھوں سے چیزیں چھیننے کے کئی واقعات سامنے آچکے ہیں، دوسری جانب جبل نور پر آنے والے زائرین بندروں کو کیلے اور دیگر اشیائے خوردونوش کھلاتے ہوئے بھی دیکھے گئے ہیں۔واضح رہے کہ مکہ مکرمہ آنے والے عازمین جبل نور اور غار حرا کی زیارت کے لیے طویل اور دشوار گزار راستہ اختیار کرتے ہوئے پہاڑ کی چوٹی پر پہنچتے ہیں۔
اس کے علاوہ اس سال 157,000 پاکستانی عازمین حج فریضہ حج ادا کرنے سعودی عرب پہنچ چکے ہیں۔ وزارت مذہبی امور کے ترجمان کے مطابق 81 ہزار عازمین سرکاری اور 76 ہزار نجی حج سکیموں کے ذریعے حج کے لیے پہنچ چکے ہیں۔
