اردوورلڈ کینیڈا ( ویب نیوز )شانگلہ میں کرکٹ کھیلنے والے بچوں پر مٹی کا تودہ گرنے سے 8 بچے جاں بحق ہوگئے اطلاعات کے مطابق مارتونگ میں کھیلتے بچوں پر مٹی کا تودہ گر گیا، اطلاع ملتے ہی ریسکیو 1122 کی ٹیمیں موقع پر پہنچ گئیں اور امدادی کارروائیاں شروع کر دیں۔

اس حوالے سے ریسکیو حکام کا کہنا ہے کہ اب تک ملبے تلے سے 8 لاشیں نکالی جا چکی ہیں جب کہ مقامی لوگوں کے مطابق ایک بچہ تاحال لاپتہ ہے جس کی تلاش جاری ہے۔
حکام کے مطابق تین ایمبولینسیں اور ریسکیو ٹیم کے 22 اہلکار آپریشن میں مصروف ہیں۔

پہاڑی علاقوں میں اکثر وبیشتر تودے گرنے کے واقعات ہوتے رہتے ہیں اور خاص کر مون سون کے موسم میں ایسے واقعات ہوتے ہیں دریائوں والے علاقوں میں بھی شہریوں اور بچوں کو ایسے علاقوں میں جاتے وقت احتیاط برتنے کی ضرورت ہے مون سون کے موسم میں بارش ہونے کے باعث زمین کے کئی حصے پانی لگنے کے باعث کچے ہوتے ہیں اور اس طرح کے حادثات پیش آتے ہیں دریائوں اور ندی نالوں میں بھی ان دنوں طغیانی ہوتی ہے ۔