اردو ورلڈ کینیڈا ( ویب نیوز ) بھارت میں طوفانی بارشوں نے تباہی مچا دی ہے، جہاں ریاست ہماچل پردیش میں ایک مسافر بس سیلابی ریلے میں بہہ گئی، جس سے تین لاشیں نکال لی گئی ہیں۔

سیلاب میں بہہ جانے والی بس کے 11 مسافروں کی تلاش کے لیے ریسکیو آپریشن جاری ہے۔

ادھر بھارتی ریاست گجرات میں بھی سیلابی صورتحال سنگین ہونے کا خدشہ ہے جب کہ محکمہ موسمیات نے ریاست میں شدید بارش کی پیش گوئی کرتے ہوئے ریڈ الرٹ جاری کر دیا ہے۔اس کے علاوہ جوناگڑھ شہر میں خوفناک سیلاب اور طوفانی بارشیں بہہ گئیں، رہائشی علاقوں میں کئی کئی فٹ پانی بھر جانے سے مکانات زیر آب آگئے۔گزشتہ 24 گھنٹوں کے دوران یہاں 241 ملی میٹر بارش ریکارڈ کی گئی جب کہ مختلف حادثات میں اب تک سو سے زائد افراد جاں بحق اور سیکڑوں زخمی ہوچکے ہیں۔