مسافرکی لندن سے ٹورنٹو آنے والی فلائٹ کا دروازہ کھولنےکی کوشش

40

ایک مسافر نے بتایا کہ جب لندن، انگلینڈ سے ایئر کینیڈا کی پرواز اتوار کی سہ پہر ٹورنٹو کے لیے روانہ ہوئی تو ایک ساتھی مسافر نے عجیب و غریب سلوک شروع کر دیا۔ اس مسافر کا رویہ پوری پرواز کے دوران عجیب رہا اور جب طیارہ بحر اوقیانوس کے اوپر سے اڑ رہا تھا تو یہ مسافر ہنگامی دروازہ کھولنے گیا، سب کو پرسکون رکھنے کے لیے پائلٹ اور عملے نے سب کو اپنی نشستوں پر رہنے کو کہا۔
ایئر کینیڈا کے ترجمان نے تصدیق کی کہ لندن کے ہیتھرو ایئرپورٹ سے ٹورنٹو جانے والی پرواز کو ایک مسافر نے پریشان کیا تاہم مزید تفصیلات فراہم نہیں کیں۔فلائٹ بروقت ٹورنٹو پہنچی۔ کانسٹیبل ٹائلر بیل مرینا نے بعد میں بتایا کہ مسافر ایک بزرگ آدمی تھا جو قدرے پریشان تھا۔ اس کا یہ عمل جان بوجھ کر نہیں کیا گیا۔ کوئی مجرمانہ الزامات عائد نہیں کیے گئے ہیں۔