اردو ورلڈ کینیڈا ( ویب نیوز)مسی ساگا میں دو گاڑیوں کی ٹکر سے ایک راہگیر کی موت ہو گئی۔

یہ حادثہ کریڈٹ ویو اور برسٹل روڈز پر اتوار کی رات 11:00 بجے کے بعد پیش آیا۔ تفتیش کاروں نے بتایا کہ ایک راہگیر سرخ بتی پر سڑک عبور کرنے کی کوشش کر رہا تھا کہ ایک گاڑی نے اسے ٹکر مار دی۔ تصادم کے بعد وہ شخص دوسری گاڑی کے راستے میں جا گرا جو اسے کچھ دور تک گھسیٹ کر لے گئی۔
راہگیر کو موقع پر ہی مردہ قرار دے دیا گیا۔ حادثے میں ملوث گاڑیوں کے ڈرائیور موقع پر موجود تھے۔ معاملے کی جانچ کی جا رہی ہے اور اس علاقے کی سڑکوں کو بند کر دیا گیا ہے۔