اردو ورلڈ کینیڈا ( ویب نیوز ) باکمال لوگ لا جواب سروس ،بھارت میں ایک شخص کو اربوں روپے بجلی کا بل بھیج دیا گیا ۔

بھارتی خبر رساں ادارے کے مطابق ریاست ہماچل پردیش کے شہر ہمیر پور سے تعلق رکھنے والے للت دھیمان (جو چھوٹے پیمانے پر کنکریٹ کا کاروبار کرتے ہیں) کو فنی خرابی کے باعث محکمہ توانائی کی جانب سے اربوں روپے کا بجلی کا بل بھیجا گیا۔بل وصول کرنے کے بعد للت بجلی کے دفتر پہنچا جہاں اس کا بل دیکھ کر عملہ حیران رہ گیا۔ بعد میں پتہ چلا کہ کسی تکنیکی خرابی کی وجہ سے 210 کروڑ ہندوستانی روپے کا بل بھیجا گیا جبکہ اصل بل 4047 روپے تھا۔محکمہ بجلی کے افسر آشیش کپور نے کہا کہ سافٹ ویئر کی خرابی کی وجہ سے صارفین کو غلط بل بھیجا گیا۔