صدر کے خلاف درخواست آئین کے آرٹیکل 184 کی شق 3 کے تحت غلام مرتضیٰ نے دائر کی، درخواست میں صدر مملکت اور وزارت قانون کو فریق بنایا گیا ہے۔
درخواست میں کہا گیا ہے کہ صدر عارف علوی نے اپنے اختیارات کا غلط استعمال کیا جس سے صدر مملکت کے عہدے کا مذاق اڑایا گیا۔ صدر کا تعلق کسی سیاسی جماعت سے نہیں بلکہ پوری قوم سے ہوتا ہے
دائر درخواست میں کہا گیا کہ عارف علوی نے اپنے عہدے کا غلط استعمال کرتے ہوئے غیر آئینی اقدامات کیے ہیں۔
درخواست میں مزید موقف اختیار کیا گیا کہ صدر مملکت بھی اسمبلی کو غیر قانونی طور پر تحلیل کرنے کے مجرم ہیں، ڈاکٹر عارف علوی نے آئین کے آرٹیکل 5 کے تحت آئین کی پاسداری کو یقینی نہیں بنایا۔
سپریم کورٹ میں دائر درخواست میں استدعا کی گئی ہے کہ عارف علوی کو بطور صدر کام کرنے سے روکا جائے اور ان کے خلاف آئین و قانون کی خلاف ورزی پر کارروائی کی جائے۔