اردو ورلڈ کینیڈا ( ویب نیوز )رواں ماہ انتقال کرنے والی آنجہانی ملکہ الزبتھ دوم کی قبر کی تصویر جاری کر دی گئی ہے۔
یاد رہے کہ آنجہانی برطانوی ملکہ الزبتھ دوم کو پیر کے روز سینٹ جارج چیپل میں سپرد خاک کر دیا گیا۔
سوشل میڈیا پر وائرل ہونے والی ملکہ الزبتھ دوم کی قبر کی تصویر پر سیاہ پتھر کی صلیب پر ملکہ اور ان کے شوہر فلپ کا نام کندہ ہے تاہم ابھی تک ملکہ الزبتھ دوم کی قبر کی کوئی سرکاری تصویر جاری نہیں کی گئی۔
برطانیہ کی ملکہ الزبتھ دوم 96 سال کی عمر میں انتقال کر گئیں۔
سیاہ پتھر کی صلیب پر ملکہ الزبتھ کے ساتھ ان کے والد اور والدہ کے نام بھی کندہ ہیں اور قبر پر ان کی پیدائش اور وفات کی تاریخ بھی درج ہے۔
یاد رہے کہ ملکہ برطانیہ 1926 میں پیدا ہوئی تھیں اور اس ماہ 8 ستمبر کو ان کا انتقال ہو گیا تھا۔ان کے انتقال کے بعد ان کے بڑے بیٹے چارلس کو برطانیہ کا نیا بادشاہ مقرر کیا گیا ہے۔
