اردو ورلڈ کینیڈا ( ویب نیوز )مسی ساگا کے ایک گیس اسٹیشن پر پنجابی لڑکی کو گولی مار دی گئی 21 سالہ لڑکی کی پولیس نے شناخت کر لی ہے۔
رات 10:40 پر، تفتیش کاروں کو کریڈٹ ویو اور برٹانیہ روڈز کے علاقے میں پیٹرو کینیڈا میں بلایا گیا۔ پولیس نے بتایا کہ اس لڑکی کو گیس اسٹیشن کے باہر کئی گولیاں ماری گئیں اور اسے موقع پر ہی مردہ قرار دے دیا گیا۔ متوفی کی شناخت برامپٹن کی پون پریت کور کے طور پر کی گئی ہے۔
بعد میں پولیس کی طرف سے اس بات کی تصدیق کی گئی کہ پون پریت کور گیس اسٹیشن پر کام کرتی تھی لیکن یہ واضح نہیں ہوسکا کہ اس مہلک فائرنگ کے پیچھے کیا مقصد تھا۔ تفتیش کاروں کے مطابق یہ فائرنگ لڑکی کو نشانہ بنانے کے لیے کی گئی، ایک مشتبہ شخص کو سیاہ کپڑوں میں پیدل فرار ہوتے ہوئے دیکھا گیا، اس نے دستانے بھی پہن رکھے تھے۔