اردو ورلڈ کینیڈا ( ویب نیوز ) روس نے یوکرین کے شہر کراماتوسک کے ایک ریستوران پر میزائل فائر کیا

برطانوی خبر رساں ادارے کے مطابق روس نے یوکرین کے مشرقی شہر کراماتوسک میں میزائل داغے جس کے نتیجے میں 4 افراد ہلاک اور متعدد زخمی ہوگئے۔

انتظامیہ کے مطابق منگل کو روس نے یوکرین کے ایک شاپنگ سینٹر اور ریسٹورنٹ کو نشانہ بنایا اور میزائل داغے۔میڈیا رپورٹس کے مطابق جس علاقے پر میزائل حملہ کیا گیا وہ یوکرین کے کنٹرول میں ہے تاہم اب روس کے زیر قبضہ علاقوں کے قریب ہے۔

بتایا گیا ہے کہ لوگ ملبے تلے دبے ہوئے ہیں اور انہیں بچانے کے لیے امدادی کارروائیاں جاری ہیں جب کہ عینی شاہدین نے برطانوی خبر رساں ادارے کو بتایا کہ انھوں نے لوگوں کو مرتے دیکھا اور لوگوں کو چیختے اور مدد کے لیے پکارتے بھی دیکھا۔حکام کا کہنا ہے کہ رہائشی عمارتیں بھی دھماکے کے مرکز میں تھیں۔

واضح رہے کہ روس کی جانب سے یوکرین پر حملوں کا سلسلہ کافی عرصے سے جاری ہے، روس کی جانب سے یوکرین پر فضائی حملے بھی کیے جاتے ہیں، جس کی وجہ سے یوکرین کا انفراسٹرکچر تباہ ہو چکا ہے، جب کہ بعض علاقوں پر قبضہ کر لیا گیا ہے۔