اردو ورلڈ کینیڈا ( ویب نیوز ) امریکی ایئرپورٹ پر ایک عجیب و غریب واقعے میں مسافر کے بیگ میںچھپا ہوا 4 فٹ لمبا سانپ برآمد بین الاقوامی خبر رساں ادارے کے مطابق ٹیمپا انٹرنیشنل ایئرپورٹ پرخاتون مسافر نے اپنے کیری آن بیگ میں 4 فٹ لمبا سانپ لے کر طیارے میں داخل ہونے کی کوششکی۔ جب بیگ کی اسکریننگ کی گئی تو معلوم ہوا کہ بیگ میں ایک مشکوک چیز تھی جسے احتیاط سےلیپ ٹاپ وغیرہ سے پیک کیا گیا تھا۔
عملے نے خاتون مسافر کو کیری آن بیگ کھولنے کو کہا، تلاشی کے دوران اس میں سے سانپ نکلا۔ چار فٹ لمبے سانپ کو دیکھ کر مسافر وں میں کھلبلی مچ گئی ۔عملے نے سانپ کو اپنی تحویل میں لے لیا۔ خاتون مسافر کا کہنا تھا کہ سانپ اس کا پالتو اور بے ضرر ہے۔ وہ اسے ہر جگہ اپنے ساتھ لے جاتی ہے۔ یہ سانپ انہیں جذباتی سہارا دیتا ہے۔
ایئرلائن کمپنی نے موقف اختیار کیا ہے کہ جہاز میں جن پالتو جانوروں کی اجازت ہے ان میں سانپ نہیں ہیں۔ چند امریکی ہوائی اڈوں پر سانپوں کو لے جانے کی اجازت ہے، لیکن وہ صرف چیک ان بیگ میں لے جا سکتے ہیں۔واضح رہے کہ خاتون کے تھیلے سے ملنے والا سانپ لاطینی امریکہ میں پایا جاتا ہے اور یہ زہریلا نہیں ہے بلکہ یہ اپنے شکار کو باندھ کر مارنے کی صلاحیت رکھتا ہے۔
