M Irfan Ullah 
30
ارډوورلڈ کینیڈا( ویب نیوز) پنجاب کے محکمہ داخلہ نے عید الاضحی پر قیدیوں کی سزا ئوں میں کمی کی سمری تیار کرلی گئی ہے محکمہ داخلہ کی طرف سے تیار کردہ سمری منظوری کے لیے کابینہ کے سامنے رکھی جائے گی.
حکام کے مطابق 70 سال سے زائد عمر کے مرد قیدی، 60 سال سے زائد عمر کی خواتین قیدی اور 5 سال سے کم عمر کے بچوں کے ساتھ قید خواتین جنہوں نے اپنی سزا کا دو تہائی حصہ مکمل کر لیا ہے انہیں رہائی ملے گی. دو تہائی سزا کی تکمیل اور اچھے اخلاق تبدیلی اور رہائی کے لیے لازمی ہیں.
دوسری جانب سیکریٹری داخلہ پنجاب نور الامین مینگل نے سینٹرل جیل لاہور کا دورہ کیا جہاں انہوں نے جیل کچن، ہسپتال، قیدیوں کی بیرکوں، صنعتی اور پیشہ ورانہ مرکز کا معائنہ کیا.
