اردو ورلڈ کینیڈا ( ویب نیوز )بھارتی ریاست کیرالہ سے تعلق رکھنے والا ایک ٹرانس جینڈر جوڑا اپنے حاملہ فوٹو شوٹ کے بعد خبروں میں تھا، جس کے 2 ماہ بعد بچے کی پیدائش متوقع تھی، تاہم 8 فروری بروز بدھ کو ایک سرکاری ہسپتال میں طے شدہ وقت سے پہلے خواجہ سرا جوڑے کا آپریشن ہوا۔

خواجہ سرا جوڑے ضیا پال اور زاہد نے ابھی تک اپنے بچے کی جنس ظاہر نہیں کی تاہم ضیاء نے خوشی کا اظہار کرتے ہوئے کہا کہ آج ان کی زندگی کا بہترین دن ہے، نومولود اور زاہد دونوں خیریت سے ہیں۔

یاد رہے کہ خواجہ سرا بھارتی جوڑا 3 سال سے ایک ساتھ ہے۔ ضیا پال ایک ایسا شخص تھا جو اپنی جنس تبدیل کرکے عورت بنی تھی جبکہ زاہد ایک ایسی عورت تھی جو جنس کی تبدیلی سے گزر رہی تھی اور اس عمل میں حاملہ ہوگئی۔ ٹرانس جینڈر جوڑے نے اپنی جنس تبدیل کرنے کے لیے ہارمون تھراپی کروائی۔ زاہد کے خواتین کے تولیدی اعضاء کا آپریشن نہیں ہوا تھا، اسی طرح ضیاء کا ابھی تک مردوں کے تولیدی اعضاء کا آپریشن نہیں ہوا تھا۔