اردو ورلڈ کینیڈا ( ویب نیوز )ایک جاپانی شخص جو اپنے 19,000 پاؤنڈ (5.98 کروڑ روپے سے زائد) کے بھیڑیے کے لباس کے لیے وائرل ہوا تھا، نے کہا ہے کہ وہ انسان محسوس نہیں کرتا۔

میڈیا رپورٹس کے مطابق، دارالحکومت ٹوکیو میں ہائی وے انجینئر ٹورو یوڈا نے اپنے بھیڑوں کے ملبوسات پر 3 ملین ین (جاپانی کرنسی)خرچ کر کے بھیڑیا بننے کے اپنے بچپن کے خواب کو پورا کیا۔

یہ بھی پڑھیں

آ ئی او ایس 17 اپ ڈیٹ کیساتھ دلچسپ نئے فیچرز لانے کیلئے تیار

32 سالہ ٹورو یوڈا نے شروع میں اپنی شناخت خفیہ رکھی لیکن بعد میں انکشاف کیا کہ وہ کس طرح لباس میں زندگی سے لطف اندوز ہوتے ہیں۔ وہ یہ لباس باہر نہیں پہنتے بلکہ آرام کرنے اور اپنی پریشانیوں کو بھولنے کے لیے گھر میں پہنتے ہیں۔ٹورو نے ایک ٹی وی انٹرویو میں کہا کہ جب میں اپنے کپڑے پہنتا ہوں تو مجھے لگتا ہے کہ میں اب انسان نہیں ہوں۔ میں انسانی رشتوں سے آزاد ہوں۔ میں ہر قسم کی پریشانیوں، کام سے متعلق اور دیگر مسائل کو بھول جاتا ہوں۔ٹورو نے مزید کہا کہ لباس کو مکمل ہونے میں 50 سے زیادہ دن لگے۔ انہوں نے کہا کہ میں نے بچپن سے جانوروں سے محبت اور ٹی وی پر جانوروں کے کچھ حقیقت پسندانہ ملبوسات کی وجہ سے بھیڑیا بننے کا خواب دیکھا تھا۔