313
اردو ورلڈ کینیڈا ( ویب نیوز ) طیارے کے اندر چوہے اور لال بیگ ملنے کے واقعات سامنے آرہے ہیں لیکن بھارتی پرواز میں ایک خاتون کو بچھو نے ڈس لیا۔
اس کے بعد طیارے کو فوری طور پر قریبی ہوائی اڈے پر اتار دیا گیا تاہم خاتون اب خطرے سے باہر ہے۔
واقعے کی تصدیق کرتے ہوئے ایئر انڈیا نے کہا کہ 23 اپریل کو پیش آنے والے واقعے کے بعد خاتون کو تمام ضروری طبی امداد فراہم کر دی گئی ہے۔ ایئر انڈیا کے ترجمان نے اس واقعہ کو افسوسناک قرار دیتے ہوئے کہا کہ یہ اپنی نوعیت کا پہلا واقعہ ہے۔تاہم اس واقعے کے بعد انجینئرز اور ماہرین کی ٹیم نے طیارے کے ایک ایک کونے کا معائنہ کیا اور اسے فضائی سفر کے لیے کلیئر قرار دیا۔
