اردوورلڈ کینیڈا( ویب نیوز)پاکستانی ہائی کمیشن اوٹاوا میں یوم پاکستان ملی جوش و جذبے کے ساتھ منایا گیا۔کینیڈا میں پاکستان کے قائم مقام ہائی کمشنر شاہ فیصل کاکڑنے قومی ترانے کی دھن پر قومی پرچم لہرایا۔
تقریب میں پاکستانی اور کینیڈین باشندوں کی بڑی تعداد نے شرکت کی۔
اپنے پیغام میں قائم مقام ہائی کمشنر شاہ فیصل کاکڑ نے قوم کے بانی خصوصاً قائداعظم محمد علی جناح اور علامہ محمد اقبال کو ان کے وژن اور قیام پاکستان کے لیے انتھک جدوجہد پر زبردست خراج تحسین پیش کیا۔
متعدد شعبوں میں کئی دہائیوں کے دوران ملک نے جو اہم پیش رفت کی ہے، اس پر روشنی ڈالتے ہوئے ہائی کمشنر نے چیلنجوں کا مقابلہ کرنے کے لیے پاکستانیوں کے عزم کو اجاگر کیا۔
انہوں نے دونوں ممالک کے درمیان پل کا کردار ادا کرنے اور اپنے اپنائے ہوئے وطن میں پاکستان کو فروغ دینے کے لیے کینیڈا بھر میں متحرک پاکستانیوں کے تعاون کو بھی سراہا اور پاکستان کی سلامتی کیلئے خصوصی دعا بھی کی ۔
