ishtiaq ahmed 
اردو ورلڈ کینیڈا ( ویب نیوز )زیارت میں سکیورٹی فورسز کے آپریشن کے دوران فائرنگ کے تبادلے میں 2 دہشت گرد مارے گئے، آپریشن کے دوران عمر جاوید کی لاش بھی نکال لی گئی۔
آئی ایس پی آر کے مطابق زیارت میں سیکیورٹی فورسز کی کارروائی کے دوران دہشت گردوں کے خفیہ ٹھکانے سے اسلحہ اور گولہ بارود بھی برآمد ہوا جب کہ سرچ آپریشن کے دوران عمر جاوید کی لاش بھی ملی۔
آپریشن کے دوران زیارت میں سیکیورٹی فورسز نے دہشت گردوں کے ایک اور ٹھکانے کی نشاندہی کے بعد علاقے میں کلیئرنس کا عمل شروع کردیا ہے۔
پاک فوج کے ترجمان نے بتایا کہ علاقے کی تلاشی کے دوران عمر جاوید شہید کی لاش ورچوم سے 5 کلومیٹر دور خلافت پہاڑ کے کنارے سے ملی۔ دہشت گردوں نے عمر جاوید کو اغوا کے فوری بعد قتل کردیا جب کہ باقی دہشت گردوں کو پکڑنے کے لیے علاقے میں کلیئرنس کا عمل جاری ہے۔
آئی ایس پی آر کا کہنا ہے کہ پاک فوج قوم کے شانہ بشانہ بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لیے پرعزم ہے۔
