اردوورلڈ کینیڈا( ویب نیوز)پاکستانی شوبز انڈسٹری کی سینئر اداکارہ حنا خواجہ نے اداکار بہروز سبزواری کو پی ٹی آئی کے بانی عمران خان کے ساتھ مبینہ طور پر شراب پینے کے الزام پر شدید تنقید کا نشانہ بنایا
حال ہی میں بہروز سبزواری نے ایک پوڈ کاسٹ کے دوران دعویٰ کیا تھا کہ وہ کئی بار عمران خان کے ساتھ مہ نوشی کرچکے ہیں
بہروز سبزواری نے کہا کہ عمران خان کوکین نہیں لیتے لیکن وہ زیادہ شراب نہیں پیتے، عمران خان ایک سے زیادہ جام نہیں پیتے.
سینئر اداکار کے اس دعوے کے بعد عمران خان کے مداحوں نے بہروز سبزواری کو تنقید کا نشانہ بناتے ہوئے شوبز کی کچھ شخصیات نے بھی سینئر اداکار کو آڑے ہاتھوںلیا
اس سلسلے میں اداکارہ حنا خواجہ نے اپنے آفیشل انسٹاگرام ہینڈل پر ایک ویڈیو پوسٹ کی جس میں انہوں نے بہروز سبزواری کا نام لیے بغیر تنقید کی.
حنا خواجہ نے کہا کہ کچھ لوگ مشہور شخصیات کے خلاف بیانات دے کر شہرت حاصل کرنا چاہتے ہیں، یہاں ایک نیا رجحان شروع ہوا ہے کہ جب لوگ خبروں میں نہیں ہوتے تو وہ کسی مشہور شخصیت کے بارے میں کسی پوڈ کاسٹ میں حصہ لیتے ہیں اور جھوٹے الزام لگا کرشہرت حاصل کرتے ہیں
سینئر اداکارہ نے مزید کہا کہ ایسے لوگ متنازعہ بیانات دے کر مشہور شخصیات کو بدنام کرنے کی کوشش کرتے ہیں، اس طرح پوڈ کاسٹرز کو فائدہ ہوتا ہے
