اردو ورلڈ کینیڈا ( ویب نیوز ) واٹس ایپ اینڈرائیڈ ڈیوائسز کے لیے اسکرین شیئرنگ کا ایک نیا فیچر متعارف کروا رہا ہے۔
WABetaInfo کی ایک رپورٹ کے مطابق اس فیچر کو فی الحال اینڈرائیڈ فونز کے لیے واٹس ایپ کے بیٹا ورژن میں آزمایا جا رہا ہے۔
یہ فیچر مائیکروسافٹ ٹیمز اور زوم جیسے ویڈیو کانفرنسنگ پلیٹ فارمز پر ویڈیو کالز کے دوران اسکرین شیئرنگ کی سہولت فراہم کرے گا۔اسکرین شیئر کرنے کے لیے صارف کو واٹس ایپ پر اپنے کسی کانٹیکٹ کو کال کرنا ہوگا۔
یہ بھی پڑھیں
واٹس ایپ مس کال جعلسازی سے بچنے کا آسان طریقہ
کال کو کنیکٹ کرنے کے بعد، اسکرین کے نیچے بائیں کونے میں اسکرین شیئر کے آپشن پر کلک کریں۔اس فیچر کے ذریعے صارفین اپنے اسمارٹ فون کے پورے ڈسپلے کو دوستوں کے ساتھ شیئر کرسکیں گے۔تاہم، اسکرین شیئرنگ کے دوران واٹس ایپ آپ کو مطلع کرے گا کہ پیغام رسانی کے پلیٹ فارم پر موجود آپ کے رابطے اسکرین شیئرنگ کے دوران تمام تفصیلات جیسے پاس ورڈ، پیغامات، فون نمبرز اور دیگر ذاتی تفصیلات تک رسائی حاصل کرسکتے ہیں۔
مزید پڑھیں
واٹس ایپ میسج ایڈٹ بٹن محدود صارفین کے لیے دستیاب
اس فیچر کے ذریعے صارفین اہم تفصیلات اپنے دوستوں یا جاننے والوں کے ساتھ حقیقی وقت میں شیئر کر سکیں گے۔عام طور پر ایسی خصوصیت دفتری معاملات میں زیادہ مددگار ثابت ہوتی ہے۔جیسا کہ اوپر بتایا گیا ہے کہ یہ فیچر فی الحال بیٹا ورژن میں دستیاب ہے اور اگلے چند ہفتوں یا مہینوں میں تمام صارفین کے لیے دستیاب ہوگا۔
