اردو ورلڈ کینیڈا ( ویب نیوز )افغانستان کرکٹ بورڈ کے چیف ایگزیکٹو نصیب خان نے کہا کہ محمد نبی چیمپئنز ٹرافی کے بعد ون ڈے کرکٹ سے ریٹائر ہو جائیں گے اور انہوں نے کرکٹ بورڈ کو اپنی ریٹائرمنٹ سے آگاہ کر دیا ہے۔چیف ایگزیکٹو کے مطابق کئی ماہ قبل محمد نبی نے اپنی ریٹائرمنٹ پر بات کی تھی جس میں انہوں نے آگاہ کیا تھا کہ وہ چیمپئنز ٹرافی کے بعد ون ڈے کرکٹ کو خیرباد کہہ دیں گے۔

افغانستان کرکٹ بورڈ کے چیف ایگزیکٹو نے کہا کہ ہم محمد نبی کے فیصلے کا خیر مقدم کریں گے، میں سمجھتا ہوں کہ وہ ٹی ٹوئنٹی کرکٹ میں اپنا کیرئیر جاری رکھنا چاہتے ہیں۔واضح رہے کہ محمد نبی نے 2009 میں افغانستان کی جانب سے ڈیبیو کیا تھا، 39 سالہ کرکٹر نے 2019 میں ٹیسٹ کرکٹ سے ریٹائرمنٹ کا اعلان کیا تھا۔