اردو ورلڈ کینیڈا ( ویب نیوز ) طالبان نے نیا فیصلہ جاری کیا ہے کہ صرف ریڈیو چلے گا، ٹیلی ویژن نہیں،طالبان نے ٹیلی ویژن چینلز سے کہا کہ وہ اپنی نشریات صرف آڈیو تک محدود رکھیں،سعودی میڈیا رپورٹس کے مطابق، آزادیوں کو کم کرنے اور افغانستان میں سخت قوانین نافذ کرنے کے اقدام میں، طالبان نے ٹیلی ویژن چینلوں سے کہا کہ وہ اپنی نشریات کو صرف آڈیو تک محدود رکھیں۔

افغانستان میں نیشنل ریڈیو اور ٹیلی ویژن کے ڈائریکٹر جنرل قاری یوسف احمدی نے گزشتہ ہفتے ٹیلی ویژن اور ریڈیو کی شاخوں کے سربراہوں سے ملاقات کی اور انہیں بتایا کہ طالبان رہنما ملا ہیبت اللہ اخوندزادہ نے ان پر دباؤ ڈالا ہے۔ کہ وہ ٹیلی ویژن چینلز کی نشریات بند کردیں کیونکہ وہ جانداروں کی تصویر کشی کرتے ہیں۔