اردو ورلڈ کینیڈا ( ویب نیوز )ایم کیو ایم پاکستان کی رابطہ کمیٹی کے دو روزہ اجلاس کے بعد متفقہ طور پر ضمنی الیکشن نہ لڑنے کا فیصلہ کیا گیا ہے۔

اس حوالے سے کنو ینئر خالد مقبول صدیقی نے فیصلے کی تصدیق کردی۔ ذرائع کے مطابق وزیر اعظم شہباز شریف نے 16 مارچ کو کراچی میں قومی اسمبلی کی 9 نشستوں پر ضمنی انتخاب کے حوالے سے ایم کیو ایم پاکستان سے رابطہ کیا تھا۔

وزیراعظم شہباز شریف نے ملکی معاشی مسائل کے پیش نظر ضمنی انتخاب میں حصہ نہ لینے کی درخواست کی تھی تاہم اس حوالے سے ایم کیو ایم رابطہ کمیٹی کا اجلاس دو روز سے جاری تھا۔

اجلاس میں رابطہ کمیٹی کے تمام ارکان نے رائے دی کہ ملک کو معاشی مسائل کا سامنا ہے۔ ذرائع کے مطابق رابطہ کمیٹی نے کہا کہ ان حالات میں الیکشن لڑنا کسی صورت درست اقدام نہیں ہے۔