ارد و ورلڈ کینیڈا ( ویب نیوز ) شام میں حکومت مخالف جنگجوؤں نے حلب اور ادلب کے بعد ہما پر بھی حملہ کر دیا، جنگجوؤں نے شہر کے اطراف کے چار قصبوں پر قبضہ کر لیا۔

جنگجو مرکز سے صرف دس کلومیٹر کے فاصلے پر ہیں، روس شام میں افراتفری کا ذمہ دار یوکرین پر عائد کرتا ہے، روسی وزارت خارجہ نے کہا کہ شامی جنگجوؤں کو یوکرین سے ڈرون اور ہتھیار مل رہے ہیں، ماسکو بشارالاسد کے ساتھ کھڑا ہے۔شامی فوج نے شورش زدہ علاقوں میں 200 جنگجوؤں کو ہلاک کرنے کا دعویٰ کیا ہے، امریکا نے بھی شامی فوجی اہداف پر حملے کیے، صدر پیوٹن اور ترک صدر طیب اردوان کے درمیان ٹیلی فونک گفتگو ہوئی، شام کی بگڑتی ہوئی صورتحال پر تفصیلی بات چیت کی گئی۔شام کی صورتحال پر اقوام متحدہ کی سلامتی کونسل کا ہنگامی اجلاس ہوا جس میں امریکی اور روسی مندوبین نے ایک دوسرے پر دہشت گردی کی سرپرستی کے الزامات عائد کرتے ہوئے سخت الفاظ کا تبادلہ کیا۔