خلاباز فرینک روبیو کو اب ان الزامات سے بری کر دیا گیا ہے کہ اس نے خلا میں اگائے جانے والے پہلے ٹماٹروں میں سے ایک کھا لیاتھا، امریکی میڈیا کے مطابق بین الاقوامی خلائی اسٹیشن کے عملے کے ارکان نے اسٹیشن سے لائیو ویڈیو میں دیکھایا.ناسا کی خلا باز جیسمین موگبیلی نے خلائی اسٹیشن کی 25ویں سالگرہ کے موقع پر لائیو سٹریمنگ پروگرام کے دوران بتایا کہ فرینک روبیو نے ٹماٹر کو کہیں چھوڑ دیا تھا اور اس ٹماٹر کی باقیات 8 ماہ بعد ملی ہیں۔
جیسمین نے مزید کہا کہ ہمارے اچھے دوست فرینک روبیو پر کافی عرصے سے ٹماٹر کھانے کا الزام تھا لیکن اب ٹماٹر مل گیا ہے۔واضح رہے کہ ستمبر میں زمین پر واپس آنے والے فرینک روبیو کئی مہینوں تک مذاق کا موضوع بنے رہے کہ انہوں نے خلا میں اگنے والا ٹماٹر کھایا۔ساتھ ہی، خلابازوں نے یہ واضح نہیں کیا کہ ٹماٹر کہاں سے ملا اور اس کی حالت کی تفصیلات بھی نہیں بتائیں۔ تاہم فرینک روبیو نے پہلے ہی پیش گوئی کر دی تھی کہ خلائی اسٹیشن پر نمی کی وجہ سے ٹماٹر سڑ گیا ہو گا۔
