اردوورلڈ کینیڈا ( ویب نیوز )بین الاقوامی کریڈٹ ریٹنگ ایجنسی موڈیز نے پاکستان اور آئی ایم ایف کے درمیان 3 ارب ڈالر کے معاہدے پر بیان جاری کیا ہے۔
موڈیز کا کہنا ہے کہ آئی ایم ایف کے ساتھ اسٹینڈ بائی معاہدے سے پاکستان کی مالیاتی صلاحیت میں قدرے بہتری آئے گی تاہم آئی ایم ایف کی فنانسنگ سے پاکستان کے لیے فنڈنگ ​​حاصل کرنے کی راہ ہموار ہوگی۔

آئی ایم ایف سے معاہدہ ،پاکستان اسٹاک ایکسچینج میں پہلی بار کاروبار کے آغاز پر تاریخ رقم ،زبردست تیزی

موڈیز کا کہنا ہے کہ یقین سے نہیں کہا جا سکتا کہ پاکستان کو آئی ایم ایف کی 3 ارب ڈالر کی فنڈنگ ​​ملے گی، طویل مدتی استحکام کے لیے پاکستان کو اصلاحات اور آمدنی میں اضافہ کرنا ہو گا۔
موڈیز کے مطابق مستقبل قریب میں پاکستان کی معاشی سرگرمیاں متاثر ہوتی رہیں گی، بلند شرح سود اور مہنگائی اور حکومتی اخراجات سرمایہ کاری کو متاثر کرتے رہیں گے، پاکستان کے بیرونی قرضوں کی ادائیگیاں بھی بلند رہیں گی۔
واضح رہے کہ 30 جون کو پاکستان اور آئی ایم ایف کے درمیان اسٹاف لیول کا معاہدہ طے پایا ہے جو کہ 3 ارب ڈالر کا اسٹینڈ بائی انتظامات کا معاہدہ ہے۔