اردو ورلڈ کینیڈا ( ویب نیوز )لاہور کی نجی یونیورسٹی میں تقریب سے خطاب کرتے ہوئے احسن اقبال کا کہنا تھا کہ قوم اور نوجوانوں سے اپیل ہے کہ اختلاف رائے رکھیں لیکن نفرت کو ہوا نہ دیں، نفرت پر معاشرہ نہیں چل سکتا

احسن اقبال نے کہا کہ ہمیں ایک دوسرے پر تنقید کرتے ہوئے احترام کا مظاہرہ کرنا ہوگا، معاشرے کو استحکام کی اشد ضرورت ہے، ہمیں اس نوجوان نسل کو اچھا مستقبل دینے کی طرف جانا ہے۔

انہوں نے کہا کہ ہم 75 سال میں اس لیے پیچھے رہ گئے کہ کرپشن زیادہ ہے، ہم اس لیے ترقی نہیں کر سکے کہ زیادہ نااہل ہیں، ہمارا صرف ایک مسئلہ ہے اور وہ ہے سیاسی عدم استحکام
وفاقی وزیر نے مزید کہا کہ معاشی ماہرین، تاجروں اور صنعتکاروں سے اپیل ہے کہ جدید ٹیکنالوجی کی طرف آئیں، ڈالر آئیں گے تو ملک چلے گا۔
احسن اقبال نے کہا کہ اب وہ حالات بدل چکے ہیں اور ہمیں دوسرے ممالک سے قرضہ مانگنا پڑتا ہے، پاکستان نادہندہ ہونے لگا لیکن ہم نے اسے سنبھال لیا۔