اردورلڈ کینیڈا ( ویب نیوز)وزیراعظم شہباز شریف نے کہا ہے کہ ترکی اور شام کے زلزلہ متاثرین کے لیے امداد مقررہ وقت پر بھیجی جائے گی۔
وزیر اعظم شہباز شریف کی زیر صدارت ترکی اور شام کے زلزلہ متاثرین کے لیے خصوصی طور پر تیار کردہ خیموں اور امدادی سامان کی ترسیل کے حوالے سے جائزہ اجلاس ہوا۔

اس موقع پر وزیراعظم نے کہا کہ ترکی میں 23 مارچ تک کولڈ پروٹیکشن کے 50 یونٹ تقسیم کیے جائیں گے، ایک ہزار خیمے بھیجے جائیں گے۔

یہ بھی پڑھیں

اقوام متحدہ کی زلزلہ متاثرین کیلئے امداد کی اپیل

وزیر اعظم نے ہدایت کی کہ خیموں کو ترکی بھیجنے سے پہلے رینڈم چیکنگ کی جائے تاکہ خیموں کے معیار کو یقینی بنایا جا سکے۔ شہباز شریف نے کہا کہ معاشی مسائل کے باوجود وزارت خزانہ نے امدادی سامان کی تیاری اور ترسیل کے لیے ضروری وسائل فراہم کیے ہیں جو کہ قابل تعریف ہے
شہباز شریف نے کہا کہ پاکستان میں مخیر حضرات دل کھول کر زلزلہ متاثرین کے لیے عطیات دے رہے ہیں۔