اردوورلڈ کینیڈا( ویب نیوز)برطانیہ جانے والا ایئر انڈیا کا مسافر طیارہ بھارتی ریاست گجرات کے احمد آباد ایئرپورٹ کے قریب ڈاکٹروں کے ہاسٹل کی عمارت سے ٹکرا گیا۔ طیارے میں سوار تمام 242مسافر ہلاک ہوگئے ،15 ڈاکٹروں کے زخمی ہونے کی بھی اطلاعات ہیں اور حادثے میں مزید ہلاکتوں کا خدشہ ہے۔
طیارے میں 242افراد سوار تھے ،بھارتی میڈیا کے مطابق ایئر انڈیا کی فلائٹ نمبر اے آئی 171 بھارتی ریاست گجرات کے احمد آباد ایئرپورٹ سے برطانیہ کے لیے روانہ ہوئی تھی، انڈیا ٹوڈے کے مطابق طیارہ ٹیک آف کے دوران گر کر تباہ ہو گیا۔
طیارے میں 230 مسافر اور عملے کے 12 ارکان سوار تھے،طیارہ گر کر تباہ ہوتے ہی ریسکیو ایجنسیاں اور فائر بریگیڈ کے اہلکار جائے وقوعہ پر پہنچ گئے ۔
#WATCH | Debris at Air India plane crash site in Ahmedabad; Fire Services and other agencies present at the site pic.twitter.com/z9XsemwDnx
— ANI (@ANI) June 12, 2025
خبر رساں ادارے کے مطابق جہاز میں 169 ہندوستانی، 53 برطانوی، 7 پرتگالی اور 1 کینیڈین شہری سوار تھے،بھارتی اخبار ہندوستان ٹائمز کے مطابق ذرائع کا کہنا ہے کہ مسافروں کے زندہ بچ جانے کے امکانات بہت کم ہیں، امدادی کارروائیاں جاری ہیں اور زخمی مسافروں کو قریبی ہسپتالوں میں منتقل کیا جارہا ہے۔
بھارتی اخبار ’دی ہندو‘ کے مطابق طیارے کی کمان کیپٹن سمیت سبھروال کے پاس تھی ،طیارہ کیپٹن سمیت سبھروال اور فرسٹ آفیسر کلائیو کنڈر کے ساتھ پرواز کر رہا تھا۔
کیپٹن سمیت سبھروال لیفٹ سیٹ ٹریننگ کیپٹن (LTC) ہیں اور انہیں 8،200 گھنٹے پرواز کا تجربہ ہے۔.شریک پائلٹ کے پاس 1،100 گھنٹے پرواز کا تجربہ تھا۔
ایئر ٹریفک کنٹرول کے مطابق طیارے نے احمد آباد کے رن وے سے اڑان بھری تھی اس نے ایئر ٹریفک کنٹرول کو ‘مے ڈے’ کال کی، لیکن اے ٹی سی کی طرف سے بعد میں کی گئی کالوں کا کوئی جواب نہیں ملا۔
ذرائع کے مطابق ٹیک آف کے فوراً بعد طیارہ ہوائی اڈے کی حدود سے باہر زمین پر گر کر تباہ ہو گیا، جائے حادثہ سے گہرا سیاہ دھواں اٹھتا ہوا دیکھا گیا۔
پولیس حکام کا کہنا ہے کہ ایئر انڈیا کا طیارہ ہوائی اڈے کے قریب رہائشی علاقے کے قریب گر کر تباہ ہو گیا ہے اور جانی نقصان کا خدشہ ہے تاہم ریسکیو آپریشن مکمل ہونے کے بعد ہی تفصیلات سامنے آئیں گی۔
‘دی ہندو’ کے مطابق، جمعرات کو سردار ولبھ بھائی پٹیل احمد آباد ہوائی اڈے پر ٹیک آف کے دوران ایئر انڈیا کا طیارہ گر کر تباہ ہو گیا۔. گجرات اسٹیٹ پولیس کنٹرول روم نے اطلاع دی ہے کہ ایئر انڈیا کی پرواز AI 171 لندن کے لیے روانہ ہو رہی تھی ۔
جائے حادثہ سے دھواں اٹھتا ہوا دیکھا گیا اور فائر بریگیڈ کی گاڑیاں جائے وقوعہ پر پہنچ گئیں احمد آباد ہوائی اڈہ پروازوں کے لیے بند کر دیا گیا۔
بھارت میں سردار ولبھ بھائی پٹیل بین الاقوامی ہوائی اڈے کے لیے اور جانے والی تمام پروازیں عارضی طور پر معطل کر دی گئی ہیں .ہوائی اڈے کے ترجمان نے ایک بیان میں کہا کہ ایئر انڈیا کے طیارے کے حادثے کے نتیجے میں، سردار ولبھ بھائی پٹیل بین الاقوامی ہوائی اڈہ
فی الحال کام نہیں کر رہا ہے، اور تمام فلائٹ آپریشن اگلے نوٹس تک عارضی طور پر معطل کر دیے گئے ہیں۔
ادھر وزیر داخلہ امیت شاہ نے گجرات کے وزیر اعلیٰ، وزیر داخلہ اور پولیس کمشنر سے حادثے کے بارے میں بات کی ہے اور مرکزی حکومت کی جانب سے ہر ممکن مدد کی یقین دہانی بھی کرائی ہے۔
Air India’s AI171 (Ahmedabad- London) with around 242 passengers on board has reportedly crashed near #Ahmedabad (AMD) airport during take off. #AirIndia #PlaneCrash pic.twitter.com/J5sDtzxZis
— The-Pulse (@ThePulseIndia) June 12, 2025
