دوسری جانب حزب اللہ کا کہنا ہے کہ غزہ کے فلسطینی عوام پر جاری اسرائیلی مظالم کا بدلہ لینے کے لیے اسرائیلی فوج کے ٹھکانوں کو میزائلوں سے نشانہ بنایا گیا ہے، جس کی وجہ سے اسرائیلی فوج کو بھاری نقصان اٹھانا پڑا ہے۔حزب اللہ نے سرحدی علاقے میں اسرائیلی ٹھکانوں پر راکٹ حملوں کی ویڈیو بھی جاری کی ہے جس میں راکٹ حملوں سے ہونے والی تباہی کو دکھایا گیا ہے۔

یہ بھی پڑھیں

ا لقسام بریگیڈز نےصہیونی فوج کی غزہ میں داخلے کی کوشش ناکام بنا دی

واضح رہے کہ غزہ میں اسرائیلی جارحیت 46ویں روز بھی جاری ہے، عالمی قوانین کی خلاف ورزی کرتے ہوئے اسرائیلی فورسز نے اپنے اندھا دھند حملوں میں شہریوں کے رہائشی علاقوں، پناہ گزین کیمپوں، اسکولوں، اسپتالوں اور عبادت گاہوں کو بھی نہیں بخشا۔غزہ میڈیا آفس کا کہنا ہے کہ 7 اکتوبر سے 20 نومبر تک اسرائیلی حملوں میں شہید ہونے والے فلسطینیوں کی تعداد 13 ہزار 300 تک پہنچ گئی ہے جن میں 5 ہزار 600 بچے اور 3 ہزار 550 خواتین شامل ہیں