73
لاہور میں میڈیا سے گفتگو کرتے ہوئے پی ٹی آئی چیئرمین کی بہن علیمہ خان نے کہا کہ پی ٹی آئی چیئرمین کا وزن کم ہوگیا ہے لیکن ان کے حوصلے بلند ہیں، پی ٹی آئی چیئرمین کے پاس ورزش اور چہل قدمی کے لیے جگہ نہیں ہے۔
علیمہ خان کے مطابق چیئرمین پی ٹی آئی کا کہنا ہے کہ سائفر کیس میں طویل قید کی تیاریاں کی جا رہی ہیں، عمران خان کہتے ہیں کہ ان سے کوئی بات کرنے نہیں آیا۔
میڈیا سے گفتگو کے دوران علیمہ خان کا کہنا تھا کہ پی ٹی آئی چیئرمین صدر سے مایوس ہیں کہ وہ اپنا آئینی کردار ادا نہیں کر سکے، صدر کو 90 روز میں انتخابات کرانا تھے لیکن انہوں نے اپنا اختیار استعمال نہیں کیا۔
ایک سوال کے جواب میں علیمہ خان نے کہا کہ اگر آپ انہیں جیل میں ڈالنا چاہتے ہیں تو جیل میں ڈالیں، لیکن ہم سازش کو کبھی قبول نہیں کریں گے۔
