332
ماسکو ( مانیٹرنگ ڈیسک ) روس کے دارالحکومت ماسکو کے تمام ہوائی اڈوں کو پروازوں کے لیے بند کر دیا گیا ہے۔
یوکرین کی جانب سے ماسکو پر ڈرون حملہ کیا گیا جسے روسی ایئر ڈیفنس نے ناکام بنا دیا تاہم ڈرون کا ملبہ مکان پر گرنے سے 2 افراد زخمی ہوگئے۔
یوکرین کی جانب سے ڈرون حملے کے بعد ماسکو کے تین بڑے ہوائی اڈوں پر ہر قسم کی پروازیں معطل کر دی گئی ہیں۔حکام کے مطابق جن ہوائی اڈوں کے فضائی آپریشن روکے گئے ہیں ان میں ونوکووو شیریمیٹیوو اور ڈومودیدوو کے ہوائی اڈے شامل ہیں۔
حکام کا کہنا ہے کہ شہر کے کسی بھی ہوائی اڈے پر کسی بھی پرواز کو ٹیک آف یا لینڈ کرنے کی اجازت نہیں ہے۔میڈیا رپورٹس کے مطابق روس کی جانب سے پروازوں کی معطلی کے باعث پیر کو ماسکو سے 90 پروازیں متاثر ہوئیں۔
