اردو ورلڈ کینیڈا ( ویب نیوز)قومی آل راؤنڈر شاداب خان نے شادی کر لی جس کی اطلاع انہوں نے ٹوئٹر پر اپنے مداحوں کو دی۔

اپنی ٹوئٹ میں شاداب نے لکھا کہ الحمدللہ آج میری شادی تھی، یہ میری زندگی کا بڑا دن تھا اور آج ایک نئے باب کا اضافہ ہوا ہے، برائے مہربانی میری پسند اور میری اہلیہ اور ہمارے خاندان کا احترام کریں آپ سب کے لیے دعائیں اور ڈھیروں پیار

Alhamdulilah today was my Nikkah. It is a big day in my life and start of a new chapter. Please respect my choices and those my my wife’s and our families. Prayers and love for all pic.twitter.com/in7M7jIrRE

— Shadab Khan (@76Shadabkhan) January 23, 2023

اپنی ٹوئٹ میں شاداب خان نے کہا کہ میں اپنے استاد ثقلین بھائی کے خاندان کا حصہ بن رہا ہوں۔ جب سے میں نے کرکٹ کھیلنا شروع کیا، میں اپنی نجی زندگی کو الگ رکھنا چاہتا تھا
میرے خاندان نے بھی اسی عمل کو ترجیح دی۔ ہاں میری بیوی کی بھی یہی خواہش ہے، وہ چاہتی ہے کہ اس کی زندگی نجی ہو۔ میں احترام کے ساتھ آپ سے درخواست کرتا ہوں کہ میری بیوی اور ہمارے خاندان کی پسند کا احترام کریں۔ تاہم اگر آپ مبارکباد بھیجنا چاہتے ہیں تو میں اکاؤنٹ نمبر بھیج دوں گا۔

واضح رہے کہ شاداب خان کی شادی پاکستان کرکٹ ٹیم کے سابق ہیڈ کوچ ثقلین مشتاق کی بیٹی سے ہوئی ہے۔
شاداب کی شادی کے حوالے سے ایک ویڈیو بھی ٹوئٹر پر وائرل ہے تاہم اس کی تصدیق نہیں ہو سکی۔

Tik tok pay shadab khan ka nikkah ki video bhi agai pic.twitter.com/tuBfapz8ij

— Beena🦋 (@beena09998) January 23, 2023

اس سے قبل پاکستانی کرکٹرز شان مسعود اور حارث رؤف بھی حال ہی میں شادی کے بندھن میں بندھ چکے ہیں جب کہ فاسٹ بولر شاہین شاہ آفریدی کی شادی بھی رواں سال فروری میں اسٹار آل راؤنڈر شاہد خان آفریدی کی بیٹی سے طے ہے۔

حارث رؤف کی شادی پر شاداب نے اشارہ دیا تھا کہ اب ان کا وقت آنے والا ہے۔

حارث رئوف اور شاہین آفریدی کی شادی، تقریب کب اور کہاں ہوگی؟