اس موقع پر خطاب کرتے ہوئے صدر مملکت نے کہا کہ آئندہ عام انتخابات آزادانہ، منصفانہ، شفاف اور جامع ہونے چاہئیں، ملک میں جمہوریت کی مضبوطی کے لیے تمام سیاسی جماعتوں اور ان کی قیادت کو انتخابات میں حصہ لینے کے یکساں مواقع فراہم کیے جائیں۔ انتخابی عمل کے بغرجمہوریت بے معنی ہو جاتی ہے اگر عوام اپنی پسند کے لیڈر منتخب نہ کر سکیں جمہوریت نہیں رہتی
صدر مملکت نے کہا کہ تلخیاں ختم ہونی چاہئیں، تعاون اور درگزر کو راستہ دینا چاہیے، مشکل فیصلوں کے لیے عوامی حمایت اور مشترکہ ملکیت کی ضرورت ہوتی ہے۔
عارف علوی نے کہا کہ آئندہ عام انتخابات ملک کی تعمیر نو کے لیے ضروری تحریک پیدا کرنے کا اچھا موقع ہے تمام سٹیک ہولڈرز کو مل کر مسائل حل کرنے چاہیں۔