ہسپتال کے ڈائریکٹر نے تصدیق کی کہ اسرائیلی فورسز نے ہسپتال کو گھیرے میں لے کر طبی سامان (ادویات، ایندھن وغیرہ) کی سپلائی روک دی جس کی وجہ سے آئی سی یو میں موجود تمام مریض شہید ہو گئے۔الجزیرہ کی رپورٹ کے مطابق اسپتال کے ڈائریکٹر کا مزید کہنا تھا کہ اسپتال میں اب بھی 7 ہزار مریض ایسے ہیں جنہیں اسپتال سے باہر جانے کی اجازت نہیں دی جارہی ہے اور اگلے چند گھنٹے کچھ مریضوں کی موت کا باعث بن سکتے ہیں۔
یہ بھی پڑھیں
اسرائیلی فوج کا القدس کے بعد الشفا ہسپتال پر حملہ، بڑی تعداد میں ہلاکتوں کا خدشہ
انہوں نے کہا کہ اسپتال کے اسرائیلی محاصرے سے اب تک 55 افراد شہید ہوچکے ہیں۔علاوہ ازیں حماس کے زیر کنٹرول غزہ میں وزارت صحت نے بتایا کہ الشفاء ہسپتال میں گزشتہ دو دنوں میں بجلی کی بندش کے باعث 24 مریض جاں بحق ہو چکے ہیں۔ وزارت کے ترجمان اشرف القدرہ نے کہا، ’’گزشتہ 48 گھنٹوں کے دوران بجلی کی بندش سے مختلف شعبوں میں 24 مریض جاں بحق ہو چکے ہیں۔تفصیلات کے مطابق غزہ پر اسرائیلی مظالم سے اب تک 5 ہزار کے قریب بچے شہید جب کہ 38 صحافیوں اور 202 ڈاکٹروں سمیت 48 میڈیا پرسنز جاں بحق ہو چکے ہیں۔
مزید پڑھیں
غزہ کا الشفاء ہسپتال غیر فعال،دروازوں پر اسرائیلی ٹینک کھڑےہوگئے
علاوہ ازیں ٹیلی کمیونیکیشن کمپنی کا کہنا تھا کہ جنریٹر کے لیے ایندھن کی کمی کے باعث غزہ میں مواصلاتی نظام ٹھپ ہوگیا ہے۔دوسری جانب عالمی ادارہ صحت (ڈبلیو ایچ او) کے سربراہ کا کہنا ہے کہ غزہ کی پٹی کے اسپتالوں پر اسرائیلی حملوں، ایندھن اور دیگر طبی سامان کی کمی کے باعث صورتحال انتہائی سنگین ہے۔
