پاکستان مسلم لیگ (ن) 123 نشستوں کے ساتھ قومی اسمبلی کی سب سے بڑی جماعت بن گئی، عام انتخابات میں مسلم لیگ ن نے 75 جنرل نشستوں پر کامیابی حاصل کی جب کہ 9 ارکان مسلم لیگ ن میں شامل ہوئے۔ مسلم لیگ ن کو خواتین کی 34 اور اقلیتوں کی 5 نشستیں بھی ملیں۔قومی اسمبلی میں سنی اتحاد کونسل کے ارکان کی تعداد 82 ہے۔ایوان میں پیپلز پارٹی کے ارکان کی تعداد 73 ہوگئی۔پیپلز پارٹی نے 54 جنرل نشستیں حاصل کیں جبکہ خواتین کو 16 اور اقلیتوں کو 3 نشستیں ملیں۔متحدہ قومی موومنٹ کے ارکان کی تعداد 22 ہے۔ ایم کیو ایم نے 17 جنرل نشستیں، 4 خواتین کے لیے مخصوص اور ایک اقلیتی نشست جیتی۔قومی اسمبلی میں جمعیت علمائے اسلام کے ارکان کی کل تعداد 11 ہوگئی۔

جے یو آئی کی جنرل نشستوں کی تعداد 6 ہے جب کہ خواتین کے لیے 4 اور اقلیت کے لیے 1 نشست مخصوص ہے۔استحکام پاکستان پارٹی کے اراکین کی تعداد 4 ہے۔ جنرل نشستوں کی تعداد 3 اور خواتین کے لیے ایک نشست مختص ہے۔ مسلم لیگ (ق) کی قومی اسمبلی میں نشستوں کی تعداد 5 ہے، جن میں 3 جنرل، پارٹی میں شامل ہونے والے ایک آزاد رکن اور خواتین کی ایک مخصوص نشست شامل ہے۔