اردو ورلڈ کینیڈا ( ویب نیوز ) سعودی عرب کے دارالحکومت ریاض کو سائنس فکشن شہر میں تبدیل کرنے کا منصوبہ ہے۔

سعودی پبلک انویسٹمنٹ فنڈ نے ریاض میں دنیا کے سب سے بڑے شہری مرکز کی تعمیر کا اعلان کیا ہے جسے نیو اسکوائر پروجیکٹ کا نام دیا گیا ہے۔

اس منصوبے کے تحت ریاض شہر کو 19 مربع کلومیٹر تک پھیلایا جائے گا اور لاکھوں لوگ وہاں رہ سکیں گے۔منصوبے کا مرکز کیوب نامی عمارت ہوگی جو 400 میٹر اونچی، 400 میٹر چوڑی اور 400 میٹر لمبی ہوگی۔یہ عمارت اتنی بڑی ہو گی کہ اس میں امریکہ کی ایمپائر سٹیٹ بلڈنگ جتنی 20 عمارتیں سمائی جا سکیں گی۔

عمارت میں ہولوگرافک ٹیکنالوجی استعمال کی جائے گی جس سے لوگوں کو خریداری اور کھانے کا نیا تجربہ ملے گا۔اسی طرح ہولوگرافک ٹیکنالوجی کے نتیجے میں خلائی پوڈ، تیرتی چٹانیں اور دیگر عجیب و غریب مناظر نظر آئیں گے۔اسے رہائشی مراکز، ہوٹلوں اور دیگر سہولیات سے بھی لیس کیا جائے گا۔

یہ منصوبہ 2030 تک مکمل ہونا ہے تاہم اس کی لاگت کے بارے میں ابھی تک تفصیلات سامنے نہیں آئیں۔نیو اسکوائر پروجیکٹ 15 منٹ کی پیدل سفر کے اندر قابل رسائی ہوگا اور اس کا اپنا اندرونی ٹرانسپورٹ سسٹم ہوگا۔

واضح رہے کہ سعودی حکومت پہلے ہی 800 بلین ڈالر کے منصوبے پر کام کر رہی ہے جس کا مقصد آئندہ دہائی میں دارالحکومت کا حجم دوگنا کرنا ہے، جس کا مقصد ریاض کو خطے کا ثقافتی اور صنعتی مرکز بنانا ہے۔