اردو ورلڈ کینیڈا ( ویب نیوز )انگلینڈ میں گرمی کی لہر جاری ہے جس کے باعث انتظامیہ نے بیشتر علاقوں میں امبر ہیلتھ الرٹ جاری کر دیا ہے۔

برطانوی خبر رساں ادارے (بی بی سی) کے مطابق انگلینڈ میں ان دنوں سورج نے اپنی گرمی سے لوگوں کا جینا مشکل کر دیا ہے۔

حکام کا کہنا ہے کہ انگلینڈ کے بیشتر علاقوں میں درجہ حرارت 32 ڈگری سینٹی گریڈ کو چھو سکتا ہے، پیر کو درجہ حرارت 30 ڈگری سینٹی گریڈ ریکارڈ کیا گیا۔شدید گرمی کے پیش نظر ہیلتھ سیکیورٹی ایجنسی نے خطرے کی سطح کو بڑھا دیا ہے جسے امبر ہیلتھ الرٹ کہا گیا ہے، یعنی ہر عمر کے لوگ اس گرمی کی لہر سے متاثر ہو سکتے ہیں۔حکام نے خدشہ ظاہر کیا ہے کہ شدید گرم موسم سے ہلاکتوں کی تعداد میں اضافہ ہو سکتا ہے۔اس حوالے سے سائنسدانوں کا کہنا ہے کہ ماحولیاتی تبدیلیوں کے بغیر موسم کا اتنا گرم ہونا ممکن نہیں۔