اردو ورلڈ کینیڈا ( ویب نیوز ) امریکا کا کہنا ہے کہ قرآن پاک کی بے حرمتی کی مذمت کرتے ہیں، یہ ایک گھناؤنا فعل ہے، ہم قرآن پاک کی اہمیت کو سراہتے ہیں۔

امریکی محکمہ خارجہ کے ترجمان میتھیو ملر نے واشنگٹن میں پریس بریفنگ میں کہا کہ وہ بنیادی جمہوری اصولوں کی حمایت کرتے ہیں، نہ صرف پاکستان بلکہ پوری دنیا میں قانون کی حکمرانی کے حامی ہیں۔

انہوں نے کہا کہ ہم قرآن پاک کی بے حرمتی کی مذمت کرتے ہیں، یہ ایک گھناؤنا فعل ہے، ہم قرآن پاک اور دیگر آیات کی اہمیت کو سراہتے ہیں اور ہر ایک کے لیے مذہب یا عقیدے کی آزادی کے حق کی حمایت کرتے ہیں۔امریکی محکمہ خارجہ کے ترجمان میتھیو ملر نے مزید کہا کہ افغان طالبان کو ان کے وعدوں پر قائم رکھیں گے اور ہم خطے میں آپریشن کرنے کی اپنی صلاحیت کو برقرار رکھے ہوئے ہیں۔انہوں نے کہا کہ طالبان کے وعدوں سے قطع نظر امریکیوں کو اپنے مفادات کے تحفظ کا حق حاصل ہے۔پاکستان سویڈن میں قرآن پاک کی بے حرمتی کے حالیہ واقعے کی شدید مذمت کرتا ہے۔واضح رہے کہ سویڈن میں مقیم ملعون عراقی شہری سلوان مومیکا نے ایک بار پھر قرآن پاک کی بے حرمتی کی اور عراقی پرچم کی بھی توہین کی۔