امریکی محکمہ خارجہ کے ترجمان میتھیو ملر نے کہا کہ امریکہ پاکستان سے مطالبہ کرتا رہا ہے کہ وہ اظہار رائے کی آزادی کا احترام کرے اور X (ٹوئٹر) سمیت کسی بھی سوشل میڈیا پلیٹ فارم تک رسائی بحال کرے۔واشنگٹن میں میڈیا کے نمائندوں کو بریفنگ دیتے ہوئے انہوں نے کہا کہ امریکہ نے پاکستانی حکام کو انٹرنیٹ اور سوشل میڈیا پلیٹ فارمز کو بلاک کرنے کے حوالے سے اپنے تحفظات سے سرکاری سطح پر آگاہ کر دیا ہے۔ترجمان نے کہا کہ پاکستان میں مخلوط حکومت کے قیام پر تبصرہ نہیں کرنا چاہتے، کسی بھی ملک کے اندر اتحادی سیاست اس کا اندرونی معاملہ ہے۔