236
جدہ میں میڈیا سے بات کرتے ہوئے امریکی وزیر خارجہ انتھونی بلینکن کا کہنا تھا کہ اسرائیل کو رفح میں آپریشن کے بجائے متبادل اقدامات کی تجاویز دی گئی ہیں۔ ان تجاویز پر اگلے ہفتے واشنگٹن میں بحث کی جائے گی۔امریکی وزیر خارجہ نے کہا کہ امداد کی ترسیل کے لیے غزہ تک سمندری پل 2 ہفتوں میں شروع ہو جائے گا۔ حماس کو غزہ کی انسانی صورتحال کی کوئی پرواہ نہیں ہے اور وہ مذاکرات میں کوئی رعایت نہیں کرے گی۔
امریکی وزیر خارجہ انتھونی بلینکن غزہ میں جنگ بندی کی کوششوں کے سلسلے میں اپنے مشرق وسطیٰ کے دورے کے پہلے مرحلے میں سعودی عرب پہنچے۔ وہ سعودی عرب سے مصر جائیں گے اور پھر اسرائیل جائیں گے۔غزہ پر اسرائیلی حملوں کے بعد امریکی وزیر خارجہ کا مشرق وسطیٰ کا یہ چھٹا دورہ ہے۔
