اردو ورلڈ کینیڈا ( ویب نیوز ) امریکی سینٹرل کمانڈ کے کمانڈر مائیکل کوریلا نے ٹوئٹر پر ایک بیان میں کہا کہ ایران کی جانب سے حوثی ملیشیا کو ہتھیار بھیجنا سلامتی کونسل کی قراردادوں کی خلاف ورزی ہے۔

امریکی کمانڈر کا مزید کہنا تھا کہ ایران کا یہ اقدام امن کی کوششوں کے لیے نقصان دہ ہے۔ ایرانی ہتھیاروں کی منتقلی کو روکنے اور ایران کی سرگرمیوں کا مقابلہ کرنے میں اتحادیوں کا کردار اہم ہے۔

دوسری جانب ایران کے لیے امریکا کے خصوصی ایلچی رابرٹ میلے نے بھی ایک بیان میں کہا ہے کہ خطے میں اور روس کی جانب سے یوکرین میں ایرانی ڈرونز کے استعمال کے شواہد مسلسل سامنے آرہے ہیں۔

ایرانی حکومت کی طرف سے انکار کے باوجود ایسا ہو رہا ہے۔ خطے میں عدم استحکام کی سب سے بڑی وجہ ایران ہے۔