اردو ورلڈ کینیڈا ( ویب نیوز ) امریکی محکمہ خارجہ کے ترجمان میتھیو ملر نے کہا ہے کہ امریکا بھارت اور پاکستان کے درمیان براہ راست مذاکرات کی حمایت کرتا ہے۔واشنگٹن میں پریس کانفرنس کرتے ہوئے امریکی ترجمان کا کہنا تھا کہ دونوں ممالک کے درمیان بات چیت کی رفتار، دائرہ کار اور کردار کا تعین امریکا نہیں بلکہ خود دونوں ممالک کو کرنا چاہیے۔

میتھیو ملر نے کہا کہ علاقائی سلامتی کو لاحق خطرات سے نمٹنے میں امریکا اور پاکستان کا مشترکہ مفاد ہے، پاکستان اور امریکا فوجی تعلقات کی حمایت کرتے ہیں۔انہوں نے کہا کہ انسداد دہشت گردی مذاکرات کے ذریعے پاکستان کے ساتھ سیکیورٹی پارٹنرشپ جاری ہے۔