اردو ورلڈ کینیڈا ( ویب نیوز ) امریکی محکمہ خارجہ کے ترجمان ویدانت پٹیل نے واشنگٹن میں ایک پریس بریفنگ میں کہا کہ امریکی کمیشن برائے بین الاقوامی مذہبی آزادی ایک آزاد امریکی کمیشن ہے جو صدر، سیکرٹری خارجہ اور کانگریس کو پالیسی سفارشات فراہم کرتا ہے۔

ترجمان نے کہا کہ جہاں کمیشن کی رپورٹ امریکی عوام کے لیے مذہبی آزادی کی اہمیت کو ظاہر کرتی ہے، وہیں سفارشات محکمہ خارجہ کی خاص تشویش والے ممالک کی فہرست سے کسی حد تک مطابقت رکھتی ہیں۔

امریکی محکمہ خارجہ کے ترجمان نے کہا کہ رپورٹ کے بارے میں سوالات رکھنے والی حکومتیں یا دیگر ایجنسیاں براہ راست کمیشن سے رابطہ کریں۔امریکی کمیشن برائے مذہبی آزادی نے بھارت کو ایک بار پھر بلیک لسٹ کرنے کا مطالبہ کیا ہے۔

یہ بھی پڑھیں

امریکہ کا مزید 500 پاکستانی طلباء کیلئے وظائف کا اعلان

ان کا مزید کہنا تھا کہ ہم پاکستان میں کسی بھی ایسی حکومت کی حمایت کریں گے جو عوام کی مرضی کی عکاسی کرتی ہو، ہم وہاں کی اندرونی یا ملکی سیاست پر یقینی طور پر کچھ نہیں کہیں گے۔واضح رہے کہ امریکی کمیشن برائے بین الاقوامی مذہبی آزادی نے اپنی سالانہ رپورٹ میں بھارت میں مسلمانوں اور عیسائیوں کے ساتھ ناروا سلوک کی نشاندہی کی ہے اور کمیشن مسلسل 4 سال سے محکمہ خارجہ سے بھارت کو بلیک لسٹ کرنے کا مطالبہ کر رہا ہے۔