اردوورلڈکینیڈا( ویب نیوز)امریکی گلوکارہ اور اداکارہ سلینا گومز نے مشہور میوزک پروڈیوسر بینی بلانکو سے شادی کر لی۔ غیر ملکی میڈیا کے مطابق یہ شادی کیلیفورنیا میں ایک شاندار تقریب میں منعقد ہوئی جس میں ٹیلر سوئفٹ سمیت کئی معروف پاپ اسٹارز نے شرکت کی۔

انسٹاگرام پر سلینا گومز نے شادی کی تصاویر اور ویڈیوز شیئر کرتے ہوئے تاریخ 27 ستمبر 2025 درج کی۔ شیئر کی گئی تصاویر میں سلینا سفید عروسی لباس میں اور بینی بلانکو ٹکسڈو میں خوش نظر آئے۔ جوڑے نے اس موقع پر رالف لارین کے خصوصی عروسی جوڑوں کا انتخاب کیا۔

یاد رہے کہ سلینا گومز اور بینی بلانکو نے 2023 میں ڈیٹنگ شروع کی تھی اور دسمبر 2024 میں منگنی کا اعلان کیا تھا۔