اردو ورلڈ کینیڈا ( ویب نیوز ) امریکی نائب معاون وزیر خارجہ الزبتھ ہرسٹ نے کہا ہے کہ انتخابات کا اعلان حوصلہ افزا ہے، اور آزادانہ، منصفانہ اور پرامن انتخابات کے لیے پر امید ہیں۔

انہوں نے کہا کہ پاکستان اور امریکا کے درمیان پائیدار شراکت داری ہے، دونوں ممالک کے بہت سے معاملات میں مشترکہ مفادات ہیں، معیشت اور موسمیاتی تبدیلی پاکستان کے لیے بڑے چیلنجز ہیں۔

انہوں نے کہا کہ امریکا پاکستانی مصنوعات کا سب سے بڑا خریدار ہے، گزشتہ سال تجارت 9 ارب ڈالر تھی۔امریکی نائب معاون وزیر خارجہ کا کہنا تھا کہ پاکستان کے لیے امریکا کی براہ راست بیرونی سرمایہ کاری 250 ملین ڈالر رہی ہے، جب کہ سیلاب متاثرین کی بحالی کے لیے 215 ملین ڈالر پاکستان کو دیے گئے۔