امریکی ریاست ٹیکساس شدید بارشوں کی وجہ سے سیلاب کا سامنا کر رہی ہے، مختلف علاقوں میں کئی فٹ پانی جمع ہو رہا ہے۔غیر ملکی خبر رساں ایجنسیوں کے مطابق گھروں، سڑکوں اور گاڑیوں کو شدید نقصان پہنچا ہے۔. گرے ہوئے درختوں نے سڑکیں بند کر دیں، اور مختلف  حادثات میں 15 بچوں سمیت 51 افراد ہلاک ہو گئے۔ کیر کاؤنٹی میں 43 اور برنیٹ کاؤنٹی میں تین افراد ہلاک ہوئے۔. دریا کے کنارے سمر کیمپ میں شرکت کرنے والی تقریباً 27 لڑکیاں لاپتہ ہیں، اور تلاشی کی کارروائی جاری ہے۔متاثرہ علاقوں سے 850 افراد کو بچا لیا گیا، اس کے علاوہ لوگوں کو متاثرہ علاقوں میں نہ جانے کی ہدایت کی گئی۔مزید بارش اور سیلاب کی وارننگ کی وجہ سے کئی کاؤنٹیوں میں ہنگامی حالت کا اعلان کیا گیا اور گورنر نے صدر ٹرمپ سے وفاقی ایمرجنسی کے لیے کہا۔